Servizos Sociais

SE TE ATOPAS NUNHA SITUACIÓN DE VIOLENCIA CONTRA AS MULLERES OU VIOLENCIA DE XÉNERO, NON DUBIDES EN PEDIR AXUDA.

Que son os malos tratos ou a violencia de xénero?

A violencia de xénero foi e segue sendo unha das manifestacións máis claras da desigualdade, subordinación e das relacións de poder dos homes sobre as mulleres. Este tipo de violencia baséase e exércese pola diferenza subxectiva entre os sexos. En poucas palabras, as mulleres sofren violencia polo mero feito de ser mulleres, e as vítimas son mulleres de calquera estrato social, nivel educativo cultural ou económico.

Enténdese por malos tratos calquera acto de agresión que recibe a muller por parte do seu marido, parella ou exparella, que teña ou poda ter como resultado un dano ou sufrimento físico, sexual ou psicolóxico, incluíndo ameazas de tales actos, a coacción ou a privación arbitraria de liberdade, tanto se se produce na vida pública como na privada.

Aquí tes unha serie de recursos que poden servirche…

• Guía de actuación para mulleres que esten a sufrir violencia de xénero en situación de permanencia domiciliaria derivada do estado de alarma polo COVID-19.
• Redes Cubrindo Galicia (Guía de recursos fronte á Violencia de Xénero en Galicia)
• Folleto “Hai saída á violencia de xénero”
• ATENPRO: o Servizo Telefónico de Atención e Protección para vítimas da violencia de xénero é un dispositivo de telefonía móbil e telecomunicación que permite que as usuarias poidan entrar en contacto en calquer momento cun Centro atendido por persoal especificamente preparado para dar unha resposta axeitada á súa situación. Funciona as 24 horas do día, os 365 días do ano en calquera lugar no que se atopen.
• 016: teléfono de atención a todas as formas de violencia contra as mulleres. É un servizo gratuíto que opera as 24 h durante todos os días do ano. Ademáis, non deixa rastro no rexistro de chamadas dos teléfonos. Tamén ten correo electrónico e Whatsapp.

• EscApp: é una aplicación da Secretaría de Igualdade en colaboración co Colexio de enxeñería informática que ten por obxectivo achegar información de utilidade ás mulleres que se atopan nunha situación de violencia de xénero e a todas as persoas que poidan axudar a rematar con este tipo de situación. Podes descargala escaneando o seguinte código QR co teu teléfono.