Cultura

Biografía

 

Naceu na Estrada no ano 1.965.  Realizou os seus estudos primarios eo  Bacharelato na Estrada, e posteriormente licenciouse en Filosofía e Ciencias da Educación na  Universidade de Santiago de Compostela.

Cursou  o doutoramento en Antropología. Foi responsable comarcal do Sindicato Labrego e Director da “   Editorial Fouce”.  Ten participado en Ponencias na “Semana Galega de Filosofía” e no “Congreso Castelao”. Foi membro do consello de Redacción da Revista “Contrarretranca”  Tamén foi membro da “Asociación  Cultural A Estrada” durante dúas decadas.

A nivel individual comezou publicando a obra MANUEL GARCÍA BARROS. LOITANDO SEMPRE (Ed. Fouce, 1.995).  para continuar con O PENSAMENTO DE CASTELAO (A Nosa Terra, 2.000) e MANUEL GARCÍA BARROS (Ed, Fervenza, 2.002), así  como tamén foi autor da edición crítica O PENSAMENTO GALEGUISTA DA POSGUERRA (A Nosa Terra, 1.997).  Últimamente publica a obra teatral FALANDO CON BALAS

(Ed. Fervenza, 2.004).

A nivel colectivo ten publicado colaboracións nas máis variadas obras, Así temos: “O  concepto de nación en Castelao” nas ACTAS DO CONGRESO CASTELAO (Universidade de Santiago de Compostela, 1.989); “Castelao: nazón e alineación” en O PENSAMEMTO GALEGO NA HISTORIA (Universidade de Santiago de Compostela, 1.990); O pensamento galeguista (o ensaio filosófico de  posguerra)” en HISTORIA DA LITERATURA GALEGA (ASPG- A Nosa Terra, 1.996); “Roberto Blanco Torres” en OS MÁRTIRES DO 36 (A Nosa Terra, 1.996); “Propostas metodolóxicas para o estudio do poder local na Galicia. Dos últimos anos da Restauración” en  PODER LOCAL, ELITES E CAMBIO SOCIAL NA GALICIA NON URBANA (Universidade de Santiago de Compostela, 1.997); “A democracia na Galiza” en ROBERTO BLANCO TORRES, O COMBATE INCESANTE (A Nosa Terra, 1.999); “O teatro militante de Varela Buxán” en MANUEL DANIEL VARELA BUXÁN. O PATRIARCA DO TEATRO GALEGO (Seminario de Estudios Deza, 2.000); “A imposible victoria de Chinto Crespo” en O SINDICATO DE AGRICULTORES DE TEIS (Asoc. Veciñal de Teis, 2.000),  “As causas da crueldade” en MURGUÍA, REVISTA GALEGA DE HISTORIA (Asoc. Galega  de historiadores, 2.004) e “Na Estrada entre labregos e agrarios” en PEDRO REY. A PARROQUIA RETRATADA ( Xunta de Galicia-Universidade de Santiago de Compostela, 2.004). Ademais foi colaborador de dúas obras para o ensino: FILOSOFÍA. 1º BACHARELATO (Promocións Culturais Galegas, 2.000) e FILOSOFÍA. 2º BACHARELATO (    Promocións Culturais Galegas, 2.001).

Tamén os seus artigos en diferentes revistas son  numerosos, destacando os inseridos nas revistas “Terra e Tempo” e Contrarretranca”.

Obras

A Estrada. Imaxes para a lembranza I

Autor: Garrido Couceiro, Xoán Carlos Editorial: Fundación de Exposicións e Congresos da Estrada Descripción: Xunto con outros tres escritores estradenses, elaboran un libro de fotogramas das estampas máis emblemáticas da vila desde finais do século XIX, facendo un percorrido por todo o século XX.

Falando con balas

Autor: Garrido Couceiro, Xoán Carlos Xénero: Teatro Escolar Editorial: Edicións Fervenza Colección: A Pinguela – Teatro Escolar Encuadernación: Rústica ISBN: 84-933317-8-3 Descripción: A través deste texto sobre os últimos días de Bóveda, aparece a realidade máis radical e profunda da ruptura de diálogo entre os seres humanos, que se resolve por medio do asasinato dos máis débiles.

Falando con balas

Autor: Garrido Couceiro, Xoán Carlos Editorial: Edicións Fervenza Descripción: A través deste texto sobre os últimos días de Bóveda, aparece a realidade máis radical e profunda da ruptura de diálogo entre os seres humanos, que se resolve por medio do asasinato dos máis débiles.

Manuel García Barros – Loitando sempre

Autor: Garrido Couceiro, Xoán Carlos Xénero: Ensaio Editorial: Fouce Colección: Didáctica da Vida Páxinas: 190 Encuadernación: Rústica ISBN: 84-605-94289-0 loitandosempre

O pensamento de Castelao

Autor: Garrido Couceiro, Xoán Carlos Xénero: Ensaio Editorial: A Nosa Terra Colección: A Nosa Terra – Nós os galegos Páxinas: 35 Encuadernación: Rústica ISBN: 84-95350-68-8

O pensamento galeguista da posguerra

Autor: Garrido Couceiro, Xoán Carlos Xénero: Ensaio Editorial: A Nosa Terra Colección: A Nosa Literatura Páxinas: 206 Encuadernación: Rústica ISBN: 84-89679-47-9